أخبار عاجلة

عَ مدار الساعة


جوزيف أبو فاضل: يشقو راسن، شو فينا نعملن عيب.. كان بدنا نعزيهم بالنصرة بس منشفق عليُن.. (Audio)

– بعد قطع تواصل النصرة مع المخيمات، يمكن للنازحين العودة الى سورية

مقتطف من حديث الكاتب والمحلل السياسي جوزيف أبو فاضل لقناة “المنار”:

  • اللي عم يصير بجرود عرسال، هو تحرير تاني للأرض اللبنانية،
    كما تحرّر الجنوب البطل من الاحتلال الإسرائيلي، اليوم تتحرّر جرود عرسال والقلمون الغربي من احتلال التكفيريين وداعش
  • هناك ارتباط بين داعش والنصرة وبعض المجموعات اللبنانية
    حزب الله كسر أمل هؤلاء بعودة النصرة وداعش الى المخيمات.
    لأنو جبهة النصرة كان همها الوحيد التواصل مع المخيمات، واللي عملتو المقاومة يُشرّف كل اللبنانيين.
  • المقاومة تحرر جرود عرسال، من هؤلاء التكفيريين، من أجل المسلم السني، والمسيحي الماروني والأرثوذكسي، والشيعي والدرزي والعلوي..
  • ما حدا في يقول ما بيعنينا الأمر،
    مش كل يوم منقول فخار يكسّر بعضو، لاق بكرا بيجي دور فخارتك

عن مواقف بعض اللبنانيين السخيفة، يقول أبو فاضل:

ersellllll

  • ما فينا نوقف عَ خاطرن، شاء من شاء، وأبى من أبى..
    يشقو راسن، شو فينا نعمل؟
    شو هالبيان هيدا تبع المستقبل؟
    يمكن مواقف بييعة، ومش المستقبل فقط، كل اصوات النشاز اللي عم تطلع.
  • في قرار دولي انو جبهة النصرة وداعش ارهابيين، ويجب الإنتهاء منهم، ونحنا هون عم نتفاوض معن. وعم نسايرن. بس استحقّت الأمور، حزب الله عرف كيف عمل التوقيت، وهيدي العملية تريح الجميع.
  • انو كيف بدو يحكم الحريري البلد، واذا في احتلالات من التكفيريين،
    أؤكد انو الضمير السني في لبنان هوي مع المقاومة. ومع ما يجري فوق..
  • هؤلاء الشهداء رفعو راسنا.
    هؤلاء دمن طاهر. فينا نقول عنن قتلى!!
    Chohada ersel- Moukawama
    شي ما بصير… عيب ما في شراكة بالوطن..
    أخلاقياً ما بجوز. وقانونياً ما بجوز.. ووطنياً ما بجوز…
  • داعش وجبهة النصرة إذا كانو بدن ينزلو عَ قريطم، او عند السنيورة، او جعجع، أو سعيد، او بكفيا.. كان بدن إذن؟؟؟
    ما هني بيوصلو لعندن بعدان بيوصلو لعنا..
  • ما قام به حزب الله لا نستطيع ان نكافئه عليه لا اليوم ولا بعدان.
    اللي عملو حزب الله بسورية وبجرود عرسال.. وبدراسة متأنية يُشكر عليه، وتُرفع له القبعة.
    وكل ما عكس ذلك، إجرام بحق هؤلاء،
  • كيف بتدافعو عن واحد عم يقتّل الجيش،
    ويقولو عنو ثورة سورية او معارضة سورية.
    إن كان أشرف ريفي، او غيرو…
  • ما فينا كلبنانيين نربط حالنا بأجندات خارجية، المقاومة عم تحرّر البلد، وترفعّت عن كلشي اسمو مذهبي وطائفي، وما عم تردّ عَ حدا، ونحن أصبحنا نشفق علين، ولكن نطالبن باعتذار علني، وعرسال اختارت رئيس بلدية غير أبو عجينة، وأبو طاقية..

ersellll

  • عرسال بدها تخرج من الثقل اللي فيها،
    ومخيمات النازحين مرتبطة مع النصرة. وحزب الله عرف كيف وقّت الموضوع.
    بلّش بالنصرة، ما بلّش بداعش
  • لا يمكن ان نقول اللي قطش رأس جندي لبناني، أو خطف العسكريين، نقول عنو هيدا ثورجي ومعارضين؟؟؟
  • كنا نخاف يجي الإرهاب ويجي يضرب عنّا،
    اليوم الموقف المشرّف هو، انو الشباب المقاومين، عم يبرمو عَ داعش والنصرة ويروحو يقتلوهم.
    هيدي البطولة، عم يقطعو مسافات، ومناطق شاسعة.. واللي عم يعملو حزب الله سينعكس إيجاباً على كل لبنان
  • عم يقتل الإرهابيين الأمركان والروس، منجي نحنا نتشتشن ونغنجن!
    هناك فرق بين المسخرة والمفخرة..
    Joseph-abou fadel
    لدينا مفخرة بالمقاومين، ومسخرة عند 14 آذار، إذا بعد في 14 آذار… كنا بدنا نعزيهم، بس ما في لزوم، لأنو صرنا نشفق علين، لأنو ما عم تفهم انو ترامب بحدّ ذاتو هوي ضدّ داعش والنصرة، وبعض اللبنانيي واقف دماغن سنة 2011، وبقولو فليسقط الرئيس الأسد
  • الإعتبار عند بعض اللبنانيين، بيفرض يكون عندو عقل كافي، ليفكّر بتوازن.
    كلشي ضدّ المقاومة بصيرو يجملو، بكون الواحد لابس داعش وطالبان، بقولواك لاق هيدي تياب عادية. وهيدا جايي يفجّر حالو ميشان يريّحنا من حزب الله، وميشان يصير في عبور للدولة، وهني شو، عبور على الدولة..
  • هل يمكن ان نقول على مقاومة فرنسا انها خائنة..
    المقاومة تكرّم بفرنسا، وكل سنة ب 14 تموز بروحو بزورو مقابر الشهدا…
    اللي عم يصير عنا نوع من الإساءة الإنسانية، ما بدي قول عهر..
    بس عيب، بعد اليوم لازم يطلو براسن ويحكو. بدن يتاجرو بالنازحين، لأنو جبهة النصرة إذا فلّت، بيرجعو النازحين عَ سورية.
    بدن النازحين هون، ليقبضو مصاري عَ ضهرن….
  • المتاجرة بالنازحين السوريين أصبح فاشل.
    هيدي الحكومة عملت غلطة كبيري لما جابتْ وزير للنازحين، يكنّ العداء لسورية..
    طيب كيف بدنا نرد مليون ونص نازح سوري وما بتحكي مع الدولة السورية، مع مين بدّك تحكي؟
    يعني الأمم المتحدة بتصرفك!

رصد Agoraleaks.com