Agoraleaks Agoraleaks
– اخجلوا واصمتو.. ويا ريت ما بتوصلو متأخرين
مقتطف من حديث الوزير السابق غابي ليون لقناة الـ”OTV”:
- بخصوص التجاذب الحكومي حول التعاطي بملف النازحين، وتحديداً بما يخصّ ضرورة وأهمية انو الدولة اللبنانية تتعاطى مع الدولة السورية لعودتن آمنين الى ديارن
- المصالح الوطنية العليا ما مفروض يكون فيها تجاذبات، ولا إنقسامات
– في جهات حكومية بالحكومة ما بتحب تتعاطى مع تركيا، وهيدا رأيا
– في جهات بقلب الحكومة مشاركة، ما بتحب تتعاطى مع دولة خليجية..
ولكن بس يكون الموضوع بخصّ المصلحة الوطنية العليا، وبكون موضوع هالقد يأثّر على أمن لبنان… والأسباب وجودية وبتتعلق بديمغرافية لبنان، وبأمن لبنان، واجباتنا نتعاطى مع الجهة السورية، سواء كنا منحبّ النظام او ما منحبو - نحنا عم نحكي عن دولة في الها سفير في لبنان، وفي سفير للبنان موجود بدمشق
– سورية دولة معترف فيا بالأمم المتحدة، ولديها مندوب بالأمم المتحدة
– في مكتب تنسيق عسكري بيجتمع شبه يومي للتنسيق
– في كهربا عم نستجرّا من سورية، وعم ندفع ثمنها بشكل شهري
موضوع خطير للغاية متعلق بمخيمات نازحين، وبؤر إرهابية من الرعايا السوريين، بدنا نتعاون وتنشوف الطريقة حتى يروحو الى أماكن آمنة، ان كان تحت سيطرة النظام أو تحت سيطرة غير جهات.. في قسم من السياسيين بيرفض - ممكن لبنان يتعاطى مع الأمركان، إذا في جهة مدعومة من الأمركيين وتسيطر على بقعة من الأرض، حتى يروحو النازحين…
- حاش نتخبا بخيال اصبعنا
بدن يسترضو جهات خارجية يسترضوها هني، ولكن يتركو الحكومة تقوم بعملا، من دون ما يكونو هني شخصياً بأحزابن منغمسين - نتفاوض نحنا مع العدو الإسرائيلي،
في مكتب تنسيق، في ضابط اسرائيلي، وضابط لبنان بوجود طبعاً الأمم المتحدة - يا ريت ما بيوصلو متأخرين وبيوصلو بالوقت المناسب، بدي ارجع لسنة 2012- 2013: نحنا الجهة الوحيدي، أو الجهة شبه الوحيدي، اللي نبهّت لخطورة ملف النزوح السوري، لما كانو بعدن بضعة آلاف الأرقام الرسمية، وقلنا انو هيدا الأمرمعرّض انو يكبر، ولبنان عندو تجارب (لو ما بتتشبه) سيئة مع اللجوء الفلسطيني بلبنان…
- نتمسك باقتصادنا، وببيئتنا، ونبعد المخاطر الاجتماعية من نتائج النزوح غلط! وكيف مع وجود ملف أمني إرهابي ناتج عن وجودن،
جوبهنا سنة 2012 بالتخوين، وبالعنصرية، وباللا -إنسانية من جهات مشاركة بالحكومة، ومن جهات معارضة خارج الحكومة، يا ريت استمعو لالنا وما وقفو بوجنا، واليوم جايين عم يعطو دروس
للذين يتطاولون على الجيش
- اخجلوا واصمتوا، الجيش اللي قام فيه، ما فينا نوصفو بالبطولة، وبالشجاعة،
العمل يقارب اللي عملو الجيش القداسة،
ما في جيش بالعالم، بيعرف انو في قدامو شخص مزنّر بحزام ناسف، وبدو يفجّر حالو وبيهجم عليه، تيحمي المدنيين يللي هني أقارب وعائلات هذا الإرهابي المفجّر لنفسو
- الجيش سقط لالو 19 جريح، وفي إصابات حرجة، كان هدفو الأساسي يحافظ على حياة وأمن المدنيين يللي هني بيئة هؤلاء الإرهابيين.
- لهؤلاء المتطفلين، في عملية نوع من التعمية عن العمل البطولي اللي قام في الجيش،
ليوجهو الأنظار الى غيرمكان، وهؤلاء هم، مشبوهين ومتعاطفين أصلاً مع المجرمين، ولو رفعوا لواء حقوق الإنسان
وفي فريق تاني من التافهين، والمهرجين، وهودي إذا ما لقو حدن يشارعوه، بيوقفو قدام المراية، وبشارعو حالن، ويمكن بيلعنو الخالق لأنو خلقن.. وهيدي الناس معروفة بتحب تكون من هيدي الطبيعة - نركن الى الجيش، والى قيادة الجيش، يفكرو انو الـ5 إرهابيين لو فجروا متل ما كان مخطط بزحلة وببيروت، وبالمناطق الآهلة، قديه كان يكون حجم الكارثة؟؟
رصد Agoraleaks.com
