أخبار عاجلة

عَ مدار الساعة


زوادة اليوم من “شو هالرجال”! (Video+Audio)

بخبرو عن صبية كانت قاعدة بمطعم، ناطرا خطيبا يللي اتفقت هيّي وياه، انو يلتقو مع بعض، من بعد الشغل، وهيك بيشربو فنجان قهوة.

  • هيي وناطرة بتلتفتْ،
    بتشوف على الطاولة المقابيلا، شبْ غم يتطلع فيا ويبتسملا
    ما بتهتملو
  • بعد وقت منو قصير، بتطلع من جديد صوب الشبْ،
    شافتو بعدو عم يطلّع فيا، ويبتسم متل أول مرّة.
    تضايقت كتير من هالوقاحة،
  • أوّل ما وصل خطيبا، خبرتو عن هالوقاحة،
    والتصرّف غير اللائق،
    نهض الخطيب من محلو، توجّه صوب الشبْ،
    وضربو عَ وجّو ضربة كتير قوية، جابتو بالأرض
  • الصبية نظرت لخطيبا، نظرة اعجاب، شو هالرجال،
    دافع عنا..

انما

  • بس تركو المطعم، بعض لحظات مش قليلي،
    الشبْ بقوم عن الأرض، بمساعدة أحد الخدمْ.
  • بيلبس عُوَيناتو السود، وجرّب من خلال العصا اللي بيحملا على طول،
    انو يكتشف الطريق الخاصة بالعميان..
    يللي بتخليه يترك المطعم

الزوادة بتقلي وبتقلك

  • ما تتسرّع بأحكامك ع الناس،
    لأنو مرات كتيري احكامنا بتكون خاطئة
  • نعطي مجال للآخرين، يعرفونا على حالن،
    عَ نقاط ضعفن والقوة الموجودي عندن
  • الله معكم

المصدر: صوت المحبة