Agoraleaks Agoraleaks
– عن الضوابط ، والإصلاحات والصوت التفضيلي، والعتبة..
قانون الانتخابات
- مع كل الحكي السياسة اللي عم يرافق قانون الإنتخابات،
ميشان هيك رح يكون موقف التكتّل توضيحي وواضح،
خاصة بعد ما سمعنا (اليوم تحديداً) بأكتر من وسيلة إعلامية، كلام وتحليلات ونسب مواقف قسم كبير منها ما بمتّ للحقيقة بصلة - طرح النسبية واقتراح الـ15 دايرة بشكل خاص،
كان طرح التيار الوطني الحر وتكتل التغيير والإصلاح من سنة 2012،
ع لسان رئيسو آنذاك العماد عون - هيدا الطرح تكرّر بمراحل عديدة، وكان بمرحلة من المراحل مع الضمانات والإصلاحات،
والبعض بسميها ضوابط، والبعض الآخر بلّش نغمة “التعطيل” لأنو هيي الوسيلة الوحيدي للخروج من الإتفاقات - النسبية في الها اشكال عديدي، وان كانت تمثل الجميع (يعني الأكترية والأقلية) بمجتمع تعددي،
بوضع متل لبنان، في أمور يجب أن تؤخذ بعين الإعتبار، حتى لا تؤدي الى طغيان، او الى عدم تكافؤ،
وتنحكي الأمور بصراحة، الى ضرب المناصفة، اللي نصل عليا الدستور، وعليا قايم عقد الشراكة الوطنية (الميثاق)
الضوابط
- بدأت من موضوع
– مجلس الشيوخ (اللي طُرح علينا)
– الى المناصفة وتثبيتا بالدستور
– ونحكى بالتأهيل على المستوى الطائفي
– الأرثوذكسي
كل هيدي اشكال من الحفاظ على الشراكة الوطنية، والمناصفة مع النسبية - هل هيدا يعتبر خروج عن المنطق الوطني!
هو تثبيت للمنطق الوطني
المنطق الوطني بيتزعزع، وبأدّي الى حالة انقسام لسمح الله، إذا لم يكن هناك من احترام للشراكة الوطنية - نحنا عانينا 27 سنة من خلل بقوانين الإنتخاب، لأنو ما كان في احترام لهذه الشراكة الوطنية،
ولا لأي ضابط من الضوابط اللي حكي عنّا اتفاق الطائف،
لم تُحترم اللامركزية الإدارية،
ولا قوانين الانتخابات العادلة تم اقرارا
ولا مجلس شيوخ صار في حكي فيه - التعطيل عم يكون عندما منجي بلحظة نطلع من هذا المنطق، منطلع من هيدي التفاهمات
نحنا مش بصد نبحث، نحنا بصدد نترجم،
والترجمة تحتاج الى قرار وعمل جدّي لإنتاج قانون انتخاب، بوصلنا الى هذه النتيجة - كلنا كلبنانيين، وكتكتّل انو بعد إنتخاب الرئيس عون، وبعد تشكيل الحكومة برئاسة الحريري، نحنا رايحين لتكريس واقع دستوري ميثاقي وطني، اللبنانيي عم يحلمو فيه من 27 سنة،
مش رايحين نرجع لمطرح ما كنا
الإصلاحات أو الضوابط – الصوت التفضيلي
- ال 15 دايرة، أوعا حدا يفتكرا نزلت من القفّة،
اللي عم يطالبنا انو نتذكّر نحنا وين كنّا، منسأل انتو وين كنتو؟
علماً انو نحنا ما عنّا هالقعدة - الـ 15 دايرة، كانت عقدة عند أفرقاء، وتوصلنا الها بعد جهد جهيد،
الدواير متل:
– الشوف وعاليه
– بعبدا
– المتن
– كسروان وجبيل معاً
– بيروت متل ما تقسمت، رجعت الى وضعا الطبيعي
– الشمال، بين البترون والكورة وبشري وزغرتا
– زحلة
– صيدا وجزين
هيدا التقسيم بحدّ ذاتو هوي ضابط لعملية العيش المشترك، اللي نحنا عم نطالب فيا - الصوت التفضيلي بالقضاء
مع الدايرة اللي توسعّت،
عم يعطي تمثيل صحيح وقوي وسليم
معناتا مش عم تدوب أقليات بأكتريات،
معناتا عم نحاول نحافظ على الأقليات، اذا انوجدت بالأطراف او بقلب جبل لبنان،
لأي مجموعة سياسية أو طائفية، عم يكون لصوتا تقدر تعبّر بصوتا وتأثّر بالمعادلة السياسية والإنتخابية - العتبة
ايه مش أيّا لايحة بتقطع،
كمان إذا عم نبّش ع تمثيل صحيح، اللايحة بدو يكون عندا حاصل انتخابي.
يعني اللايحة اللي ما بتجيب حاصلا بتسقط،
واصواتا بتتوزع على اللوايح اللي بتكون قطعت مبدأ الحاصل الإنتخابي - إذا في عتبة لَ اللايحة، و
وعتبة للمرشّح، اللي هوي 40% من الحاصل الإنتخابي بطايفتو،
ليه؟
لأنو نحنا بدنا نأمّن تمثيل، وتمثيل فعلي، مش على حساب اللي بمثّل بيئتو، ول على حساب اللي بمثّل منطقتو،
خاصة إذا عم نحكي عن مجتمع تعددي طائفي
الإنتشار
- هيدا تعطيل؟ إذا طلبنا نواب للإنتشار
معقول نلجأ للإنتشار بكل أزمة ومشكلة اقتصادية واجتماعية ووطنية، وبس يجي الأمر انو يعبرو ويجيبو نوابن بست نواب منحرمن؟ - في بعض المقاعد لا تعبّر عن واقع جدّي انتخابي مطرح ما هيي محطوطا،
اذا توزعّت مناصفة بين المسلمين والمسيحيين على الإنتشار. شو اللي بيمنع ذلك؟ - وقت بدنا نحكي بالإصلاحات، بدنا نحكي
– بالتمويل الإنتخابي
– بالبطاقة الممغنطة
– بوقف الرشوة، وشراء الضمائر
هيدي الإصلاحات ضرورية، واللي عم يتراجع عنن، عم يعطّل قانون الإنتخاب، وعم يعطّل التفاهم - اليوم الوضع ايجابي، وما حصل على مستوى قانون الإنتخابي ايجابي،
لكن بدّو يتكمّل، وفقاً للحوارات والإتفاقات اللي حصلت
موعد الانتخابات
- نحنا مع أقرب فرصة تصير فيها الإنتخابات،
مع انو في رأيين:
1) رأي معا بتشرين
2) رأي مع تنعمل بآذار
نحنا نميل لرأي ان تكون الانتخابات بتشرين، وما في عاقة امام تمويل الإنتخابات،
ولا في عاقة امام تنظيم الانتخابات بأوقات معينة، حتى لا يتحوّل تأجيل مهل، الى تمديد مقنّع - التمديد بالنسبة لإلنا خط أحمر
- نحنا منفتحين انو نحكي بهيدا السقف، وضمن هيدي المواصفات اللي تناقشنا فيا مع الجميع…
رصد Agoraleaks.com
