أخبار عاجلة

عَ مدار الساعة


الأب لويس مطر عن صور مار شربل: الرسمية صورة من Negative 4 وعن صورة الظهور بالروح، وصورة الحبيس شنا (Audio)

–  مار شربل ضعيف وزنو 45 كلغ غير الصور المتداولة اللي بتعمل وزنو شي 100 كلغ (تقرير عبدو الحلو)

مقتطف من حديث القيّم على دير مار مارون عنايا حيث ضريح القديس شربل، الأب لويس مطر لقناة الـ”OTV” ضمن برنامج “سلّم عالسما”:

بداية يوضّح الإعلامي عبدو الحلو، أنّه لا يوجد صورة واحدة للقديس مار شربل، بخلاف ما يتداوله الناس. يقول الأب لويس مطر:
annaya2

  • سنة 1950 تلاميذ من “الكريم”، طلعو يزورو المحبسة،
    عم ياخدو صورة تذكارية مقابيل المحبسة،
    بيطلع معن بهالصورة، راهب،
    St-Charbel-true
    بس الراهب “روح”.. مبينين الحجار بعبايتو، وبوجهو
  • منّا صورة كتير واضحة، بس بتعطي فكرة عن هالراهب،

saint-charbel-15

يضيف الأب لويس مطر:

Louis-Matar

  • بدن يعرفو مينو؟
    بصوروها لحالا، وبصورو كذا راهب (رهبان)،
    وبينزلو عند غناطيوس داغر التنوري، كان مقضى ختيرتو بدير القديسة رفقا،
    ما قالولو: بدنا نعرف مينن هالرهبان،
    صار يشيلولو صورة رهبان مصورينن.. وكان يقلن عن كل صورة اسم الراهب،
    وصلو عَ صورة مار شربل،
    قلن: شو وصّل صورة مار شربل لإلكم؟؟؟ لأنّو
    كان الراهب غناطيوس داغر التنوري، كان يسترشد عندو للحبيس، بس الصورة منا كتير واضحة..

صورة مار شربل المتداولة

  • الأب بولس ضاهر، كان بدّو يعمل صورة لمار شربل،
    استوحى من هالصورة كيف معقول يكون شكل القديس شربل،
    صوّر 4 نيغاتيف (Negative) فوق بعضن، وكل “نيغاتيف” من شخص،
    1) الراهب يوسف الأهمجي (موضوعة صورتو بدير عنايا، يشير الى قبر القديس) اخد موديل الرأس
    pere-ehmej

    2) بونا مارون كرم التنوري، أخدلو اللحية والشوارب والحواجب
    3) بونا بولس ضاهر، أخد الوجه
    4) وصورة أبونا رابع..
    حطّو الـ”نيغاتيف” سوا فوق بعضن، عطيو الصورة اللي موجودي هلق،
    واللي منعرفا نحنا عن صورة القديس شربل،
    وراح مضاها من البطريركية المارونية، انو هيدي صورة مار شربل،
    وصارت الصورة الرسمية، لمار شربل،
    وعم يظهر فيها مار شربل، كون الناس بتعرفو من خلال هالصورة

تأمل بالصورة

annay3

  • اللي بيطلّع بالصورة، بقول هالشخص وزنو بين الـ90- 100 كلغ،
    مار شربل كان وزنو 45 كلغ
    كان جلد وعضم
    كل هالنصاحة الموجودي بوجو، لازم تختفي
    يعني شخص جلدة وعضم، لزلمي طولو 169 سنتم،
    معناتا بدو يكون فعلاً كتير رقيق وضعيف
  • تركيب الصورة،
    الفم طالع بسوية الكتاف،
    مستحيل يكون هيك،
    St-Charlel2
    نرسمت هيك من الأول، وبقيتْ هيك،
    بدّو واحد يغيرا، بدّو يتغيّر كتير اشيا من صور للقديس شربل،
    تاركينا على بساطتها

الماني يريد صورة لمار شربل

  • ما الو صورة مار شربل طبيعية، غير الصورة اللي ظهر فيها بالمحبسة،
    كنا اخوة كنا مقضايين أسبوع بدير عنايا سنة 1963،
    اجا مصوّر الماني، بدّو ياخود فكرة، كيف كان مار شربل يحمل حملة حطب عَ ضهرو،
    كيف كان يشتغل بالحقلة؟
    كيف ينكش؟
    كيف كان يركع عَ طبق كلّ الليالي فاتح ايديه قدام المصلوب؟
    في 12 صورة متاخدين بهيدا المجال،
    طلب منّو الريّس، ياخود الصور، ويترك “النيغاتيف” هون، لأنو شي خاص بالدير
    رجع أخد “نيغاتيف” عن الصور، يعني صوّر فيلمين،
    أخد فيلم، وترك فيلم بالدير،
    تيقدر يفرجيهم للعالم الأوروبي كيف كان مار شربل يشتغل بالحقلة، كيف كان يركع ويصلّي الخ ؟
  • هالصور هودي،
    تلقطْ بصورة منن، وبيعتبرا انو صورة مار شربل.. هوي ولا صورة منهم لمار شربل،
    الصور اللي مع الناس، هني فكرة كيف كان مار شربل يتصرّف؟
    اذا بلاحظو الراهب اللي راكع عَ طبق ناصحين… ما كانو يعملو تقشّف متل مار شربل،
    لأنو مار شربل رجل تقشفات واماتات، ما كان ياكول الاّ مرة وحدي بالنهار، خبز يابس مع شوية خضرا وسليق..
    ما كان هامو جسدو، كان هامو ربّو
  • اللي ممثلين الأدوار ناصحين كلن،
    مَنّن مار شربل

الحبيس

  • توفّى الحبيس انطونيوس شينا بقزحيا،
    وكان الناس كتير متعلقين بالحبيس شينا، يطلعو ياخدو بركتو ويسترشدو ويعترفو،
    وكان في معزّة كتير بين الشعب وبين الحبيس،
    حطّو بمرحلة بكنيسة دير قزحيا بتابوت من قزاز (زجاج)
    antonios-chayna
    الى ان صار وقت الدفن، اجو يشيلو من تابوت القزاز، ويحطو بتابوت خشب ويدفنو بعد الجناز بالمقبرة،
    في ناس صورو الحبيس شينا، ورجعو صارو يعملو تعليقات انو هيدا جثمان مار شربل الخ..
    اللي بيطلّع بالكنيسة، بيعرف انو هيدا كنيسة قزحيا،
    يعني محيط التابوت تظهر ان المكان قزحيا
  • مار شربل ما الو ولا صورة بتابوتو،
    للأسف الكنيسة كانت مشدّدة كتير،
    أي قديس تُنشر صورو، قبل اعلانو قديس، بتكون وسيلة لبطلان الدعوة.
    لذلك ما استرجى ولا مرّة، حدا يصّور مار شربل،
    إن كان بتابوتو، أو بكل المراحل اللي قطع فيها

الخلاصة

  • بهمنا ما نتعلّق بصورة معينة،
    مار شربل ما الو الاّ صورة وحدي أساسية ظهر فيها بالمحبسة،
    وفي هالصورة اللي عملا الدير بطريقة رسمية، ومضيتا البطريركية المارونية،
    هودي الصورتان اللي هنّي مرجع لمار شربل،
    اكيد الصورة المتداولة لمار شربل ناصح، ومفترض يكون اضعف من هيك،
    وفي ناس بيظهرلن أضعف من اللي موجود بالصورة، وفي ناس بيظهرلن متل ما هوي موجود حالياً بصورتو
  • منتأمل عطول،
    ما تسكرو بمار شربل،
    مار شربل وصل لهالقداسة، لأنو غرق بالرب وسِكِر فيه، حلو نحنا نسكرْ بالرب، حتى نوصل ليللي وصلو مار شربل

St-Charbel-true3رصد Agoraleaks.com