أخبار عاجلة

عَ مدار الساعة


خاص – تسجيل صوتي لكادرات المستقبل “الرئاسة الأولى للمسيحيين”

 الحريري “بطل” لأنو عم يمنع شائعة صراع “السنية السياسية” مع المسيحيين

تسجيل أول:

 

تسجيل ثاني:

 

يوزّع تيار المستقبل إرشادات إعلامية لمناصريه مواكبة لإعلان رئيس تيار المستقبل ترشيح العماد عون رئيساً للجمهورية، موقع “Agoraleaks.com” حصل على تسجيلات صوتية فيه تلك التعلميات، واليكم ابرز ما جاء:

– من قول للناس الرئيس الشهيد رفيق الحريري إجا بمشروع انماء لبنان لإعادته على خارطة العالم.. وما ميّز ولا أخد موقف ضدّ حدا، كان مع لبنان ومن أجل لبنان. وسعد الحريري ماشي على نهجو.

– الرئاسة ضمن الدستور اللبناني، وتقاسمات السلطة، الرئاسة الأولى للمسيحيين، من الطائفة المارونية، و(العماد) عون يشكّل فيها جزء أساسي ورئيسي.

moustaqbal

– الإجتماع الذي حصل عند البطريرك المسيحي ويللي اختارو فيه 4 من الأقوياء المسيحيين، ليكون واحد منهم رئيس. سعد الحريري بلش بحليفو المسيحي الدكتور جعجع، وانتقل لأحد خصومو الأساسيين وتنازل لمصلحة لبنان للمرشح فرنجية.

نحنا بمنطقة مش عم تغلي نحنا بمنطقة عم تحترق، حلب عم تسقط، والموصل عم تسقط. المنطقة عم تدخل بصراع يمكن يلغي الصيغة الحالية، ويمكن نكون أمام “سايس بيكو” جديدي، يللي لمّح لإلها أردوغان (الرئيس التركي)

– الجمهور وقاعدتنا الشعبية بدها تعرف، انو ما بقوم هيك اعمال غير الأبطال يللي عندن قدرة بالتضحية بنفشن لصالح شعبن.

– سعد الحريري يدافع عن الوجود اللبناني، ويللي ما بدو يمشي خلّي ينكشف أمام البطريركية والمسيحيين وامام العرب.. السفير الروسي بس طلع من عند سعد الحريري شكر جهود “الرئيس” سعد الحريري، وهيدي شي مهم.

– السياسة فن الممكن، وحرصاً على الجمهور، بدنا نفعّل كلشي عنّا كوادر وقيادة ونواب، لحتى يشرحو لقاعدتن واعلامياً، إنو ما حدا مختلف مع التاني، وانو نحنا كتلة متراصة بالترشيح أو التسمية.

– نحنا منقدر نضبط جمهورنا، لما منكون متحدين.

saad-hariri-mkamal

– متل ما الكل عم يقوّص علينا بالسياسة، بدنا نقوّص علين بشكل دبلوماسي، وبشكل شعبي ومقنع، لأنو الها تداعيات شعبية.

– زيارة سعد الحريري لسوريا ضبطناها بالشارع، والتاريخ كشفا..

– موضوع ترشيح (العماد) عون، زي ما بقولو “حامي البلد”، لأنو الطرف التاني عم يحشرنا بالزاوية، وعم يتهّم “السنية السياسية” تحت بند الطائفية بتعطيل انتخابات رئاسة الجمهورية وعدم اصال (العماد) عون للمنصب هيدا، مما يؤدي الى صدام بين المسيحية والسنية.

– بدنا إعلامنا على مدار الساعة والدقيقة يوضّح ويشرح ويبيّن مع أغاني سياسية عن رفيق الحيرري ومسيرتو وسعد الحريري والمعاناة تبعو.. ولو قلنا انو نحنا جزء من الإستهداف يللي عم يصير بالمنطقة.

– سعد الحريري منقذ الجمهورية.. والتسمية تكفي..

الحريري سمّى فرنجية (الوزير) وبتعرفو إنو بالتسمية كان في اتهامات معينّة لما كان وزير داخلية، تغاضينا عن الجراح، وهلق عم نسمّي الجنرال لحماية البلد.

– خلينا نحطّ النقاط على الحروف وليس الحروف على النقاط..

إعلامياً، التركيز الإعلامي، بكل الوسائل المتاحة والمكتوبة والمرئية، تفعيل كلشي على مدار الساعة، وما توقف لحتى تهدى العاصفة، هيدي شغلي كتير ضرورية