أخبار عاجلة

عَ مدار الساعة


وهاب عن سجن جنبلاط لبهيج أبو حمزة: زوجتو “منى” نجحت بـ”Cannes” وبالـ”mtv” وبيتصوروا معا الناس، وما بدو البيك..!! (Audio)

– جان عزيز صُدمْ.. معقول! ووهاب يكمل إذا صرلو شي بدنا ناخود بالثأر (التفاصيل)

مقتطف من حديث رئيس حزب التوحيد وئام وهاب لقناة الـ”OTV” ضمن برنامج “بلا حصانة”: (قضية بهيج أبو حمزة)

  • موضوع المعتقل المخطوف المظلوم بهيج أبو حمزة، اللي صار طالع من 16 دعوى،
    ما قدر ولا قاضي بـ16 دعوى يقدر يعمل في قرار ظني جدي،
    إلاّ لأسباب سياسية
  • بعد في عندو دعوى عند قاضي عجيب غريب اسمو وتصرفاتو كمانة عجيبة غريبة
  • واحد بوقف شخص الحدّ الأقصى لتوقيفو 6 أشهر بالملف،
    صار موقفو 7 أشهر ومش مستجوبو غير مرّة!!
  • بس يوصل الملف عند قاضي آدمي، متل القاضي فادي العنيسي، وطنوس مشلب بتنحلْ
    كبو الملف بالزبالة، فاضي… بس كم في طنوس مشلب بالقضاء
  • جيب قضاة متل طنوس مشلب، بينتهي الملف،
    أصلاً ما كان توقف لو في قضاء
  • بهيج بو حمزة معتدى عليه، إذا انتقام خلصنا (جنبلاط)، إذا بدك تربي خلصنا..
    عيب هيدا زلمي رفيقنا 30 سنة بقي،
    هيدا زلمي الو تضحياتو،
  • غلطة وحدي عاملا بهيج بو حمزة، ركّب كلشي بالشركات حتى ما ينطال وليد جنبلاط
    تينطال هوي… إذا صار شي

ومع الحاح الإعلامي عزيز، عن السبب الحقيقي، قال وهاب:

joumblad-jamilet

جنبلاط بين حسناوات ملكات الجمال… “Top Model 2014”

walid-ahbal

  • مشينا، خلص
  • يا خيّي يمكن منى بو حمزة ما لازم تروح على “Cannes”
    وكان منى ما لازم تطلع على التلفزيون
    وكان منى إذا فاتت على عزا، ما حدا يتصور معااا
    طيب شو بعمل إذا نجحت المرا،
    إذا نجحت المرا، منحبسلا زوجا، بكل صراحة شووو؟؟

يسأل جان عزيز: معقول هيك أسباب؟؟ يردّ وهاب:

mona-bou-hamzi-cannes
تألق لمنى في مهرجان Cannes، أثارت حفيظة جنبلاط!!

  • أقلّ من هيك؟
  • مافيشي… إذا انتا سارق، بهيج سارق
  • بهيج ما بقول لاق لجنبلاط،
    دبرلي مليون $، بهيج بروح يدبرن، هيدي غلطتو، ما كان يستعمل الورق
  • انو انا عندي محاسبة، قلا بروح على البنك جيب ي 10 آلاف $
    إذا عطيتني ياهن بالإيد..
    بروح بدعّي عليا انو سحبت من حسابي 10 آلاف $ وما سلمتني ياها؟؟؟
  • شو بهيج كان يقلو لجنبلاط مضيلي؟؟؟
  • انا ولاد بهيج اجو لعندي، وعملت اتفاق دم بيني وبينن
    صارو متل ولادي،
    إذا صرلو شي بهيج بالسجن، رح نحاسب أي قاضي تسبب بهذا الأمر عشائرياً
  • القاضي اللي بدو يبلطج، بدنا نحاسبو عشائرياً
    نحن قانون على الكل، أو قانون الغاب على الكلّ
  • بهيج قد يموت، صار عامل 6 روسورات بالسجن، وهوي بالمستشفى
    إذا تسبب قاضي بقتل بهيج بو حمزة، انا رح آخود بالثأر، يحسبو حساب
    اللي بدو يستعمل الدولة ضدنا، حتى يقتلنا ويهيننا منعرف نتصرف معو
    خلصنا طلعو من هالكذبة
    طلعو من هالنصبة
    طلعو من هالإحتيال، ومن قلة شئمتكم
    يطلعو يقولو إذا عم احكي غلط
  • صرتو مسخرة بالعدلية انتو القضاة المتآمرين بهالقصة
    صارو القضاة عم يتندرو عليكم
    والمحامين عم يتندرو عليكم
  • بدو قول لفخامة الرئيس انتا نظلمت،
    وبعهدك ما تقبل حدا ينظلم حدا من دون وجه حق
    وبهيج كان وسيط بيننا وبين جنبلاط للأسف هالمعادلة
  • هودي الناس القضاة على الطلبيات،
    والقضاة يللي عم يتفقو مع ضباط ليركبو ملفات، ويوقفو ناس ويخلو ناس،
    هودي لازم تنفك رقبتن، وينشحطو ع بيوتن

***

من كان يتصرف مع اتباعه بهذا الشكل،
هل مسموح للمسيحيين أن يبقوا بعد هذه الفضيحة تحت رحمة “غيور” و “سخيف” كوليد جنبلاط…!!

إذا كان اهل العقل والعقال اعتاد اغلبهم الذل لأنفسهم فهم أحرار…
طبعاً،

 باستثناء الصوت الصارخ وئام وهاب في واحة الموحدين، كون صمت البيك الآخر طلال أرسلان، غير مفهوم بتاتاً… !!
بالمختصر… مسيحيو الجبل ليسوا رهينة جنبلاط…

وممنوع أن يكونوا كذلك، لتعرف كلّ الأحزاب المسيحية التي ما زالت تطالب ودّ.. من لا ودّ له مع أصدقائه والمخلصين معه…

رصد Agoraleaks.com